अन्तर्राष्ट्रिय बजारमा तेलको भाउ बढ्यो, सुन पनि महँगो

अमेरिकी अधिकारीहरूले इरानमाथि इजरायलले मिसाइल प्रहार गरेको खबर आएपछि अन्तर्राष्ट्रिय बजारमा तेल र सुनको मूल्य बढेको छ ।
शुक्रबार एसियाली बजारमा ब्रेन्ट क्रुडको मूल्य साढे दुई प्रतिशतले बढेर प्रति ब्यारेल ९० डलर पुगेको छ । जबकि सुनको भाउ प्रति औंस २४ सय डलर पुगेको छ ।
यसैबीच जापान, हङकङ र दक्षिण कोरियाको शेयर बजार परिसूचक ओरालो लागेको छ ।
लगानीकर्ताहरूले इजरायलको प्रतिकारमा नजिकको नजर राखिरहेका छन्। मध्यपूर्वमा यस्तो द्वन्द्वले तेलको विश्वव्यापी आपूर्तिमा असर पार्न सक्ने उनको विश्वास छ।
जसका कारण धेरै देशमा आर्थिक गतिविधि सुस्त हुन सक्छ । ओमान र इरानबीचको स्ट्रेट अफ हर्मुजमा पहिलेदेखि नै तनाव छ। यो एक धेरै महत्त्वपूर्ण समुद्री मार्ग हो।
विश्वको कुल तेल आपूर्तिको २० प्रतिशत यही मार्गबाट ​​गुज्रन्छ। इरान संसारको सातौं ठूलो तेल आपूर्तिकर्ता देश हो।
साउदी अरेबिया, इरान, युएई, कुवेत र इराक, तेल निर्यात गर्ने देशहरूको संगठन ओपेकका सदस्यहरूले यस मार्गबाट ​​आफ्नो अधिकांश आपूर्ति विदेश पठाउँछन्।