काठमाडौं – हालै राजधानीमा भएको राजावादी आन्दोलनका क्रममा देखिएको अराजकता र हिंसात्मक गतिविधिमा संलग्न व्यक्तिहरूलाई उन्मुक्ति नदिइने गृहमन्त्री रमेश लेखकले स्पष्ट पारेका छन्। संघीय संसद् अन्तर्गतको राज्य व्यवस्था तथा सुशासन समितिमा बोल्दै गृहमन्त्री लेखकले आन्दोलनको नाममा सार्वजनिक सम्पत्ति र सुरक्षाकर्मीमाथि भएको आक्रमणलाई सरकारले गम्भीर रूपमा लिएको बताए। उनले भने, “यो कुनै सामान्य विरोध प्रदर्शन थिएन, यसमा नियोजित रूपमा अराजकता फैलाउने काम गरिएको छ। आयोजक को थिए र कसरी यो घटना भयो भन्ने कुराहरू पहिचान भइसकेको छ।” गृहमन्त्रीले ती घटनालाई केवल राजनीतिक विरोधका रूपमा व्याख्या गर्न खोजिएको प्रयासप्रति असन्तुष्टि जनाउँदै त्यस्तो दृष्टिकोण गलत हुने बताए। “यदि हामीले यसलाई राजनीतिक कोणबाट हेरेर…
तितो सत्य
काठमाडौंको मुटुमा एक हप्ता अघिदेखि घटेको एउटा भयावह घटनाबारे थाहा पाउन जनताले सामाजिक सञ्जाल कुर्नुपर्यो। राजधानीमै २० जना नागरिकलाई गोली लाग्दा पनि मूलधारे पत्रकारिताले प्रहरीको प्रेस ब्रिफिङ कुन्जेल मुखमा ताल्चा लगायो। केही दशकअघिसम्म पत्रकारितालाई ‘सत्यको खोजी’ गर्ने माध्यम भनिन्थ्यो। तर आजको परिवेशमा पत्रकारिता खोजीभन्दा बढी सरकारबाट आउने ‘सूचना’ पर्खने प्रवृत्तिमा सीमित देखिन्छ। कुनै बेला पत्रकारहरू घटनास्थल पुगेर, प्रत्यक्षदर्शी खोजेर, साँचो विवरण उजागर गर्थे। तर अहिले पत्रकारहरू पुलिस क्लबबाट आउने ब्रिफिङ सुन्ने र सरकारको प्रेस नोटका आधारमा मात्र समाचार लेख्ने अभ्यासमै रमाइरहेका छन्। गोली चल्यो, खबर आएन चैत १५ गते काठमाडौंको तीनकुने क्षेत्रमा आन्दोलन चर्कँदै गर्दा सुरक्षा निकायले भीड नियन्त्रण गर्न…
गौरको पर्यटन कार्यालय प्रमुख संजय मिश्राको गतिविधि विवादमा परेको छ।सरकारी कार्यालयभन्दा बढी होटलको कोठामा बस्ने, सरकारी योजना झोलाबाटै पास गर्ने र ठेकेदारहरूसँग प्रत्यक्ष बार्गेनिङ गर्ने उनको कार्यशैलीप्रति स्थानीयले गम्भीर प्रश्न उठाएका छन्।कार्यालय छाडेर होटल धाउने प्रमुख स्थानीय व्यवसायी र नागरिकहरूका अनुसार प्रमुख मिश्र कार्यालयमा न्यून उपस्थिति जनाउँदै विभिन्न होटलमा सरकारी योजनाको ‘डिल’ गर्दै हिँड्ने गर्छन्। सञ्चारकर्मीहरूले उनलाई चपुर, गौर, र मलगंवाका विभिन्न होटलहरूमा सरकारी कागजातको झोला बोकेर घुम्दै गरेको अवस्थामा फेला पारेका छन्।झोलाबाटै सरकारी योजना वितरणमिश्राले पर्यटन कार्यालयको आधिकारिक दर्ता-चलानी बाहेक निजी रूपमा अर्को चलानी रेकर्ड राख्ने गरेको खुलासा भएको छ। योजनाहरू छनोट गर्ने, सम्झोता गर्ने र बजेट विनियोजनका काम…
काठमाडौं, चैत १९ – नेपाली कांग्रेसका सांसद दीपक गिरीले नेपाललाई हिन्दुराष्ट्र घोषणा गर्न आवश्यक रहेको धारणा व्यक्त गरेका छन्। मंगलबार संघीय संसद् भवन परिसरमा सञ्चारकर्मीसँग कुरा गर्दै उनले संविधान निर्माणका क्रममा जनताले हिन्दुराष्ट्रका पक्षमा दिएको रायलाई बेवास्ता गरिएको आरोप लगाए। सांसद गिरीका अनुसार संविधान निर्माणका बेला जनताले दिएको रायलाई सुरक्षित रूपमा राखिए पनि त्यसलाई सार्वजनिक नगरी उपेक्षा गरिएको छ। उनले भने, “संविधान निर्माणका क्रममा जनताले दिएको राय बोरामा बन्द छ। त्यो खोलियोस् त !” उनको दाबी अनुसार, नेपालका ८० प्रतिशतभन्दा बढी जनताले हिन्दुराष्ट्रका पक्षमा मत दिएका थिए, तर केही व्यक्तिहरूको चलखेलका कारण नेपाल धर्मनिरपेक्ष राष्ट्र घोषित भयो। “त्यति बेला ८०…
काठमाडौं – राष्ट्रिय प्रजातन्त्र पार्टी (राप्रपा) का प्रतिनिधि सभा सांसद तथा पूर्वमन्त्री दीपक बोहराको मंगलबार निधन भएको छ। काठमाडौंको ओम अस्पतालमा उपचारका क्रममा उनले अन्तिम सांस लिएका हुन्। राप्रपा प्रवक्ता मोहन श्रेष्ठका अनुसार, बोहरा लामो समयदेखि बिरामी थिए। ‘पोस्ट कोभिड’ का कारण उनको घाँटीमा समस्या देखिएको थियो, जसले गर्दा उनी बोल्न सक्दैनथे। सांसद बोहरा २०७९ सालको चुनावमा रूपन्देही क्षेत्र नम्बर ३ बाट निर्वाचित भएका थिए। उनले नेपाली कांग्रेसका नेता तथा तत्कालीन गृहमन्त्री बालकृष्ण खाणलाई पराजित गरेका थिए। उनका श्रीमती र दुई छोरा छन्। केही समयअघि उनकी छोरीको पनि निधन भएको थियो।
काठमाडौं, नेपाल – नेपालमा गणतन्त्र स्थापनाको झण्डै दुई दशकपछि पनि राजसंस्थाको पक्षमा आवाज उठाउने शक्ति कमजोर भइसकेको छैन। हालैका दिनहरूमा विभिन्न सामाजिक तथा राजनीतिक समूहहरू राजसंस्थाको पुनर्बहाली र हिन्दू राष्ट्रको पुनःस्थापनाको माग गर्दै देशभर अभियान सञ्चालन गरिरहेका छन्। यस्तै अभियानमा अग्रमोर्चामा देखिने नाममध्ये एक हुन् डा. राजीव झा, जो दशकौँदेखि नेपालका पूर्वराजाको धार्मिक यात्रामा अग्रपंक्तिमा देखिँदै आएका छन्। डा. झा मधेशबाट राजसंस्थाको पक्षमा खुलेर बोल्ने केही प्रभावशाली व्यक्तित्वहरूमध्ये एक हुन्। उनले नेपालमा हिन्दू धर्मको रक्षा गर्दै विदेशी प्रभाव रोक्नुपर्ने धारणा राख्दै आएका छन्। विभिन्न सार्वजनिक मञ्चहरूमा उनी आक्रामक रूपमा बहस गर्ने, सरकारी पदाधिकारीलाई चुनौती दिने तथा कानुनी रूपमा समेत पहल…
काठमाडौं – संघीय संसद् प्रतिनिधिसभाको बैठक आज बिहान ११ बजे बस्दै छ। आइतबारको बैठक विपक्षी दलहरूको अवरोधका कारण स्थगित भएपछि आज पुनः बैठक बोलाइएको हो। आइतबारको बैठकमा सत्तापक्ष र प्रतिपक्षका सांसदहरूबीच विवाद भएपछि बैठक १५ मिनेटका लागि स्थगित गरिएको थियो। तर, विपक्षी दलहरूले आफ्नो अडान नछाडेपछि बैठक पुनः सोमबार बिहान ११ बजे बस्ने गरी स्थगित गरिएको थियो। सत्तापक्षका नेताहरूका अनुसार आजको बैठकमा प्रधानमन्त्री केपी शर्मा ओलीले सम्बोधन गर्ने तयारी गरेका छन्। तर, संसद् सचिवालयद्वारा सार्वजनिक कार्यसूचीमा भने प्रधानमन्त्रीको सम्बोधन उल्लेख गरिएको छैन। विपक्षी दलहरूको माग विपक्षी दलहरूले नेपाल विद्युत् प्राधिकरणका पूर्वकार्यकारी निर्देशक कुलमान घिसिङलाई हटाइएको विषयमा प्रधानमन्त्री ओलीले जवाफ नदिएसम्म…
वीरगंज, चैत १७ – राजसंस्था पुनःस्थापनाको माग गर्दै विभिन्न संघ-संगठनहरुले आइतबार वीरगंजमा प्रदर्शन तथा मशाल जुलुस निकालेका छन्। संयुक्त जनआन्दोलन समिति, पर्साले दिउँसो जनप्रदर्शन गर्दै राजसंस्थाको पुनःस्थापनाका लागि दबाब सिर्जना गरेको थियो भने साँझ राष्ट्रिय बजरंग दलले मशाल जुलुस प्रदर्शन गरेको हो। साँझको मशाल जुलुस घण्टाघर चोकबाट सुरु भएको थियो, जसको नेतृत्व राष्ट्रिय बजरंग दलका केन्द्रीय अध्यक्ष राजु जैसवालले गरेका थिए। मशाल जुलुसमा बजरंग दल, पर्साका अध्यक्ष विवेक सिन्हासहित सयौं युवाहरुको सहभागिता रहेको थियो। प्रदर्शनका क्रममा सहभागीहरुले ‘संविधान २०४७ कायम गर’, ‘हिन्दू अधिराज्य कायम गर’, ‘राजा आऊ, देश बचाऊ’, ‘गणतन्त्र मुर्दावाद, राजतन्त्र जिन्दावाद’ जस्ता नारा लगाएका थिए। प्रदर्शनका क्रममा प्रहरीले…
काठमाडौं – प्रधानमन्त्री केपी शर्मा ओलीले समसामयिक राजनीतिक घटनाक्रमबारे छलफल गर्न सर्वदलीय बैठक आह्वान गरेका छन्। आइतबार साँझ ६:३० बजेका लागि बैठक बोलाइएको प्रधानमन्त्रीको सचिवालयले जनाएको छ। हालै तीनकुनेमा भएको प्रदर्शनका क्रममा हिंसा भड्किँदा दुई जनाको मृत्यु भएको घटनालाई मध्यनजर गर्दै प्रधानमन्त्रीले दलहरूबीच परामर्श गर्न बैठक आयोजना गरेका हुन्। सत्तारूढ नेपाली कांग्रेसका प्रमुख सचेतक श्यामकुमार घिमिरेले पनि बैठकबारे पुष्टि गरेका छन्। प्रधानमन्त्रीले गणतन्त्र समर्थक दलहरूलाई छलफलका लागि आमन्त्रण गरेका छन्। तर, राजसंस्था पुनर्स्थापनाको एजेन्डा अघि सारेको राप्रपालाई भने बैठकमा बोलाइएको छैन। प्रमुख प्रतिपक्षी दल नेता पुष्पकमल दाहाल ‘प्रचण्ड’ ले यसअघि विपक्षी दलहरूको बैठकमा राप्रपालाई नबोलाएको घटनासँग यसलाई तुलना गर्न सकिन्छ।…
काठमाडौं । संघीय संसद् प्रतिनिधिसभाको बैठक आज बिहान ११ बजे बस्ने भएको छ। संसद् सचिवालयका महासचिव पद्मप्रसाद पाण्डेयका अनुसार बैठकमा विभिन्न विधेयकहरू प्रस्तुत गर्ने कार्यसूची तय गरिएको छ। आजको बैठकमा बैंकिङ कसुर तथा सजाय (दोस्रो संशोधन) विधेयक २०८० राष्ट्रिय सभाबाट प्राप्त सन्देशसहित टेबुल गरिनेछ। त्यसैगरी, पूर्वाधार विकास समितिका सभापति दीपकबहादुर सिंहले जलस्रोत विधेयक सम्बन्धी समितिको प्रतिवेदन, २०८१ पेस गर्नेछन्। व्यवस्थापन कार्य अन्तर्गत, महिला, बालबालिका तथा ज्येष्ठ नागरिक मन्त्री नवलकिशोर साहले मानव बेचबिखन तथा ओसारपसार (नियन्त्रण) पहिलो संशोधन विधेयक २०८१ प्रस्तुत गर्न अनुमति माग्ने प्रस्ताव पेश गर्नेछन्। यसैगरी, कानुन, न्याय तथा संसदीय मामिलामन्त्री अजयकुमार चौरसियाले नेपाल कानुन व्यवसायी परिषद् (दोस्रो संशोधन)…
